Tuesday , August 9 2022

Ping kapag nanalong pangulo
PAGNANAKAW TAPOS, MAGNANAKAW UBOS

010322 Hataw Frontpage

HATAW News Team

SERYOSONG mensahe laban sa lahat ng uri ng mga magnanakaw ang pambungad ni Partido Reporma chairman at standard-bearer Panfilo “Ping” Lacson sa Bagong Taon.

Aniya, laganap pa rin ang mga magnanakaw sa bansa hindi lamang sa kalye ngunit maging sa pamahalaan, pero sa susunod na taon kung magkakaisa at mag­tutulong-tulong ang bawat isang Filipino lahat sila ay tiyak na mauubos.

Ang nabanggit na napakasamang kaugalian ng panlalamang ay ipi­napangako ni Lacson na kanyang wawakasan sa 2022 kung mahahalal na susunod na pangulo pagkatapos ng May 9 national elections.

Sa kanyang maikling mensahe para sa Bagong Taon, inihayag ni Lacson kung gaano siya kaseryoso sa paglaban sa mga magnanakaw sa tulong ng mga mamamayan.

Aniya, “Ang dami pa rin magnanakaw – sa kanto, sa negosyo, sa gobyerno. Sa 2022, kung magtutulong-tulong tayo, ang pagnanakaw, tapos. Ang magnanakaw, ubos.” 

Sa pagtatapos ng maikling video, nakalagay ang hashtag nitong “Uubusin ang Magna­na­kaw” (#UubusinAngMagnanakaw) na ngayoy humahamig ng maraming comments at likes sa Facebook page ni Lacson, maging sa social media.

Hindi lang maliliit na kriminal na nambibiktima sa mga kalye ang tinutu­koy ng batikang lingkod-bayan, dahil hagip din dito ang malalaking negosyante na umiiwas sa buwis o nagpupuslit ng mga kalakal sa bansa, gayondin ang mga corrupt na opisyal ng pamahalaan na uma­abuso sa kaban ng bayan at nagpapahirap sa buhay ng mga Filipino.

Pinatunayan ni Lacson na magagawa niya ito nang harapin niya ang lahat ng uri ng magnanakaw – bilang sundalo at dating hepe ng pambansang pulisya, sa kanyang tatlong termino bilang senador, at sa kanyang pagiging rehabilitation czar pagkatapos ng bagyong Yolanda.

Sa kanyang Twitter account na @iampinglacson, sinabi ng mambabatas: “I have practically spent my 50 years in public service chasing thieves both in the streets and in the government. There’s not much difference. They are all thieves, period. If it is my fate to catch more, with much authority and power, I will not stop until they’re finished.”

About hataw tabloid

Check Also

P120-K shabu nasabat live-in partners nasakote

P120-K shabu nasabat live-in partners nasakote

NASAMSAM ang P120,000 halaga ng hinihinalang shabu mula sa live-in partners sa ikinasang drug buy …

Sa Rizal P1.1-M DROGA NASABAT 6 HVI SWAK SA SELDA

Sa Rizal
P1.1-M DROGA NASABAT 6 HVI SWAK SA SELDA

DERETSO sa kulungan ang anim na nakatalang high value individual (HVI) makaraang makompiska sa kanila …

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …