Friday , March 29 2024
Quezon Convention Center

111 katao, nalason sa payout ng PULI at LK sa Quezon

SA HINDI pa mabatid na kadahilanan, mahigit 100 katao kabilang ang ilang empleyado ng pamahalaang panlalawigan ang naging biktima ng food poisoning habang ginaganap ang isang malaking pagtitipon sa Quezon Convention Center kahapon.

Hanggang 9:00 pm, napag- alamang umabot sa 111 ang bilang ng mga nalason na ini-admit sa Quezon Medical Center sa lunsod ng Lucena.

Ang mga biktima ay pawang kaanib ng Provincial Union of Leaders against Illegalities (PULI) at ng Luntiang Katipunero (LK) at nagmula pa sa mga bayan ng Infanta, Tagkawayan, Tiaong, Calauag,  Guinayangan, San Francisco, Dolores, Pagbilao, Lucban, Atimonan, Perez,  Panukulan, Candelaria, Mauban, Lopez, Sariaya, Paridel, Burdeos, Perez, Polillio,  Sariaya, Quezon, Quezon, lunsod ng Lucena at Tayabas.

Ayon sa ulat, naganap ang insidente habang nagaganap ang pay out ng honorarium sa 4,000 kasapi ng PULI at LK.

Makaraang mag-almusal ng pritong itlog, hot dog at kanin, bigla umanong nakaramdam ng pagkahilo hanggang nagsuka ang mga biktima.

Isinugod ng mga ambulansiya sa Quezon Medical Center ang mgma biktima, kung saan sila ay ini-admit sa mga kuwarto na noon ay pinaglagyan ng mga CoVid-19 patients matapos lapatan ng paunang lunas.

Sa kanyang Facebook account, si Governor Danilo Suarez ay humingi ng paumanhin at pang-unawa sa mga nalason at sinabing isolated cases ang mga nangyari.

Kaugnay nito, malakas ang mga alegasyon na ang LK at PULI ay ginagamit ng mga Suarez sa kanilang pamomolitika, bagay na kanila namang pinabubulaanan.

Samantala, inaalam ang katotohanan sa likod ng ulat na ang catering services na ginamit sa okasyon ay pag-aari umano ni Tina Talavera na siyang umaaktong hepe ng Provincial General Services Office.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …