HATAW! D'yaryo ng Bayan hatawtabloid.com
Sa patuloy na operasyon ng mga awtoridad kontra kriminalidad, nadakip ang isang pinaniniwalaang talamak na drug peddler nitong Linggo, 19 Disyembre, sa lungsod ng Gapan, lalawigan ng Nueva Ecija.
Ayon kay P/Col. Rhoderick Campo, provincial director ng Nueva Ecija PPO, ikinasa ang buybust operation ng mga operatiba ng Gapan CPS na nagresulta sa pagkakadakip ng hinihinalang notoryus na tulak ng ilegal na droga.
Nakumpiska mula sa suspek ang tinatayang .45 gramo ng hinihinalang shabu na nagkakahalaga ng P3,060.
Kasalukuyan nang nakakulong ang naarestong suspek na nahaharap sa kasong paglabag sa Section 5 at 11, Article II ng RA 9165 o Comprehensive Dangerous Drugs Act of 2002 na nakatakdang isampa sa korte. (Micka Bautista)
