HATAW! D'yaryo ng Bayan hatawtabloid.com
HARD TALK
ni Pilar Mateo
INILUNSAD na ng Ginebra San Miguel ang calendar girl nila para sa taong 2022.
At gaya ng kanilang sinisimbolo, isang matapang at tila never say die ang personalidad ng modelong kanilang napili para sa ad campaign nila sa papasok na taon.
Sino ba si Chie Filomeno?
Napasok siya at naging kontrobersiyal sa Bahay ni Kuya sa PBB (Pinoy Big Brother). Mahusay siyang mananayaw pero nawalan siya ng gana pansamantala dahil na rin sa bashing na inabot niya. Naging vlogger ang breadwinner ng pamilya.
Pero gaya ng sinabi ng mga boss sa inuming nakalalasing, Chie embodies the values that their products stand for.
Alam ni Chie na dalawa silang pinagpilian para maging calendar girl. Kaya nang i-text na siya na siya na ang nakuha, hindi napigilan ang kanyang tili.
Agad-agad, dinoble nito ang workout . Na ginagawa na naman niya for her good health at hindi para maging sexy lang.
Kung may natutunan si Chie sa mga bagay na kinaharap niya sa buhay, simpleng-simple. Kaya pala kinakaya nito ang bashers and haters sa paligid.
“I am a public figure, but I am not a public property! I make it point to make my authenticity intact. Of who I really am.”
At isa nga lang ’yun sa natutunan ng nagkaroon ng pagkakataong matutunan ang pag-i-skate nitong pandemya, na sa ibang pagkakataon naman eh, isang surfer (sa Siargao), at vlogger na nga.
Inalam ko ang other side ng matapang na babae na ‘sintindi ng mga inumin ng kanyang ineendoso. Kung ano ang fears niya.
“My greatest fear is death. Kaya, lahat ng gusto mo, gaya ng natutunan ko sa pandemic gawin mo kung kaya mo rin lang. And I am very much afraid to lose the people that I love.”
Pero sa tatahakin ngayon ni Chie sa pagkapisil sa kanya para maging calendar girl, lalabanan niya ang isa ring matinding calendar girl ng isa pang tatak ng inumin.
May labanan kayang maganap? Sino kaya sa kanila ang mas nakalalasing ang dating?
Para kay Chie, ”It is important to stay grounded. And make an impact as an empowered woman.”
Naibahagi rin ni Chie na nitong pandemya, nakatapos at nakasulat siya ng aklat!
“Nagawa ko! You just really need to know what you want. Evaluate the things that happened in your life. Pangarap ko nang pumasok ako in showbiz to be a calendar girl. Ito pala ang magbibigay sa akin nito sa pagpili nila sa akin to be 2022’s calendar girl.”
