HATAW! D'yaryo ng Bayan hatawtabloid.com
HATAWAN!
ni Ed de Leon
MUKHA nga yatang ang gusto nilang palabasin ay si Derrick Monasterio na ang pinaka-sexy sa ating mga male star sa ngayon. Kung sa bagay hindi lang naman ngayon, noon pa mang una ang sinasabi nila, si Derrick ay isang “beki magnet” at lalo na nga ngayon dahil sinasabi nilang nag-folow ang international singer at dating Menudo member na si Ricky Martin sa social media account ng aktor. Si Ricky ay umaming beki siya noon pang 2010, at nagpakasal pa nga sa kanyang asawa na ngayong Syrian-Swedish painter na si Jwan Yosef.
Palagay namin, hindi lang si Ricky Martin, pero marami pang mga beki personalities, local man at international na nagfo-follow din kay Derrick, pero unfair na turingan siyang “beki magnet” dahil kung titingnan mo naman mas marami siyang followers na mga tunay na babae.
At saka ganoon na lang ba? Kailangan naman siguro sa panahong ito ay bigyan na nila si Derrick ng mas malaking break, kung hindi man sa pelikula ay sa telebisyon. Mukhang mas nauna pa siyang napuna ng mga international celebrities kaysa mga boss sa network niya.
