Limitless 2 ni Julie Anne aarangakada na sa Sabado

RATED R
ni Rommel Gonzales

INAABANGAN na ang second leg ng Limitless, A Musical Journey ni Julie Anne San Jose sa Sabado, November 20.

Swak nga ang title ng second leg na Heal dahil dadalhin tayo ni Julie sa Visayas na roon matatagpuan ang mga naggagandahang beach. Join din sa kanyang musical journey ang co-host ni Julie sa The Clash na si Rayver Cruz at ang proud Cebuana at The Clash Season 3 Grand Champion na si Jessica Villarubin.

Ngayon pa lang ay excited na ang fans ni Julie lalo’t ang gaganda ng reviews sa unang part ng Limitless na kinunan sa Mindanao.

Kaya naman go na sa gmanetwork.com/synergy para sure kayong makakapanood ng Limitless Part 2: Heal sa Sabado, November 20.