Yul at Raymond magbabakbakan sa pagka-Vice Mayor

I-FLEX
ni Jun Nardo

MAGBABAKBAKAN yatang talaga sina Yul Servo at Raymond Bagatsing bilang Vice Mayor ng Maynila next year.

Ayon sa report, nag-file na ng kanyang kandidatura si Raymond. Ang Mayor niya ay ang anak umano ng dating mayor ng Maynila na si Mel Lopez.

Mas nauna nga lang sumabak sa politika si Yul. Si Raymond ay ang apelyidong Bagatsing ang dala-dala na kilala ring angkan ng politiko sa Maynila.

Ngayong araw na ito ng Luness, huling araw ng substitution ng mga kandidato. Nagsulputan na ang ilang substitute candidates sa national position nitong nakaraang mga araw.

Naku, mas lalong kaabang-abang ang pangalang lulutang ngayon sa national posts, huh!