Angeli mas ginustong mag-artista kaysa mag-militar

I-FLEX
ni Jun Nardo

SINUWAY pala ng Viva’s next important artist na si Angeli Khang ang kanyang militar na ama na based sa ibang bansa.

Ayon kay Angeli sa virtual mediacon ng Viva movie niyang Mahjong Nights, gusto ng ama na sundan ang yapak niya sa military.

“Eh, sa showbiz ako napunta at gusto ko naman ito. Nandiyan naman ang mother ko na may consent sa ginagawa ko,” rason niya.

Isang sexy movie uli ang second movie ni Angeli at kasama niya rito sina Jay Manalo at Sean de Guzman. Sa November 12 ang streaming nito sa Vivamax.