HATAW! D'yaryo ng Bayan hatawtabloid.com
MATABIL
ni John Fontanilla
TRENDING ang beauty at kaseksihan ni Kim Rodriguez na humamig ng 100k plus likes ang sexy photos sa kanyang Facebook account na nakasuot ng black two piece.
Post ni Kim sa kanyang sexy photos na may caption na, “Just natural and Hardwork. Thanks to myself for all the hard work in the gym and boxing to achieve this body.”
Mix ang pananaw ng mga nakakita ng litrato ni Kim, may pabor at mayroong hindi. Ang iba ay hunanga sa magandang hubog ng katawan nito, habang ang iba naman ay inakusahang kulang na lang daw ay maghubot-hubad si Kim sa kanyang larawan na animo’y sexy star.
Kaya naman nang tanungin namin si Kim kaugnay dito ay ito ang naging kasagutan ng Kapuso star. “Porke’t nag-post ka lang ng sexy photos mo, sexy star ka na! Hindi ba puwede na gusto mo lang i-flex ‘yung resulta ng pinagpaguran mo sa pag-e-exercise at pagba-boxing?
“Hindi ba puwede na nag-post ako para ma-inspire ‘yung iba na mag- exercise rin para gumanda ‘yung katawan nila at para na rin sa health nila?”
Ang palaging pag-e-exercise at pagba-boxing ni Kim ang dahilan kung bakit mas lalong gumanda ang katawan nito. Kumuha pa nga ito ng kanyang personal trainer.
Tsika ni Kim, ito ang kanyang pinagkakaabalahan kapag wala siyang taping or shooting para ‘di siya mabagot at makaramdam ng lungkot ngayong pandemic.
Sa ngayon ay napapanood si Kim sa bagong Kapuso show na Never Say Goodbye kabituin sina Jak Roberto, Lauren Young, Klea Pineda atbp..
