HATAW! D'yaryo ng Bayan hatawtabloid.com
ARESTADO ang isang lalaki sa bayan ng Hagonoy, lalawigan ng Bulacan nitong Linggo ng hapon, 31 Oktubre, matapos ireklamo ng dating nobya na kanyang pinagbabantaang ikakalat ang kanilang mga sex video at hubad na larawan.
Kinilala ang suspek na si Aldrin Dale Pingon, residente sa Brgy. Canalate, Malolos, na inaresto ng mga tauhan ng Hagonoy Municipal Police Station (MPS) sa Brgy. San Sebastian, sa nabanggit na bayan.
Ayon sa ulat, pinagbabantaan ng suspek ang dating nobyang itinago ang pangalan, na ikakalat ang kanilang sex videos noong sila ay magkarelasyon pa at maging ang mga kuha niyang hubad na larawan ng biktima kung hindi makikipagkitang muli at makikipagbalikan sa kanya.
Agada nakipag-ugnayan ang biktima sa mga tauhan ng Hagonoy MPS na nagresulta sa pagkaaresto sa suspek sa lugar kung saan gusto niyang katagpuin ang dating nobya. Nakakakulong na ang suspek sa Hagonoy MPS Jail na nahaharap sa reklamong kriminal na ihahain sa korte. (MICKA BAUTISTA)
