Most wanted rapist ng Malolos timbog

NASAKOTE ang itinuturing na most wanted person (MWP) ng lungsod ng Malolos, sa lalawigan ng Bulacan sa inilatag na manhunt operation ng pulisya kamakalawa ng hapon.

Kinilala ni P/Col. Manuel Lukban, Jr., provincial director ng Bulacan PPO, ang suspek na si Aldwin Bernardino, alyas Alphine, residente sa Brgy. Caingin, sa naturang lungsod.

Batay sa ulat, nakorner si alyas Alphine sa Brgy. Sumapang Matanda, dakong 3:30 pm nitong Miyerkoles, 27 Oktubre, sa manhunt operation na ikinasa ng mga tauhan ng Malolos CPS katuwang ang Bulacan Provincial Intelligence (PIU), at Bulacan 1^st PMFC.

Dinakip ang suspek sa bisa ng warrant of arrest para sa dalawang bilang ng kasong Qualified Rape, Qualified Sexual Assault, at paglabag sa Section 5 (B) of RA 7610. (MICKA BAUTISTA)