HATAW! D'yaryo ng Bayan hatawtabloid.com
ALAM MO NA!
ni Nonie Nicasio
KATATAPOS lang sumabak sa shooting ng pelikulang Walker si AJ Oteyza. Walker ang bagong tawag sa mga pokpok o prostitute.
Ang pelikula ay hinggil sa prostitusyon, in fact, makikita rito ang isang pamilya ng mga prostitute. Pati na ang masasamang elemento ng pulisya na nagpapahirap sa maraming tao.
Tampok dito sina Allen Dizon, Rita Avila, Sunshine Dizon, Edgar Allan Guzman, Elora Españo, Barbara Miguel, Dorothy Gilmore, Jim Pebanco, Dave Bornea, Rico Barrera, at iba pa.
Ipinahayag ng aktor ang kanyang kasiyahan na maging bahagi ng proyektong ito.
Saad ni AJ na kilala noon bilang Neil Suarez, “Masaya po ako na sa dinami-dami po ng puwedeng makuha sa role, isa po ako sa napili nila at gusto po uling makatrabaho. Sobrang blessed ko po, kasi lagi po nila akong naila-line up sa casting po.”
Si AJ ay gumaganap dito bilang si Rodel, kaibigan ni Emman (Edgar Allan) na miyembro ng underground rebel movement na hihikayatin siyang sumali sa kanilang samahan.
Ito na ang ika-apat na pelikulang nakasama niya si Direk Joel.
Wika ni AJ, “Pang-apat na movie ko na kay Direk Joel itong Walker. Nauna rito ang Anak ng Macho Dancer, sinundan ng Lockdown, tapos last month po ‘yung bago lang na pagbibidahan ni Christine Bermas, kasama sina Kit Thompson, Albie Casiño, Jolo Ejercito, at Ivan Carpiet. Ang title nito ay Moonlight Butterfly under 3:16 Media Network.”
