HATAW! D'yaryo ng Bayan hatawtabloid.com
ISANG bagong biyudang empleyado ng city hall ang namatay nang barilin ng dalawang hindi kilalang suspek sa Brgy. Palampas, lungsod ng San Carlos, lalawigan ng Negros Occidental, nitong Lunes, 18 Oktubre.
Kinilala ang napaslang na biktimang si Maria Elena Peque, 40 anyos, residente sa Brgy. 2, sa nabanggit na lungsod.
Ayon kay P/Lt. Ruby Aurita, deputy chief ng San Carlos City Police Station, nakasakay si Peque sa tricycle patungong City Hall nang sundan at paputukan ng mga suspek.
Idineklarang “dead on arrival” sa pagamutan si Peque dahil sa tama ng bala ng baril sa kanyang tainga.
Ani Aurita, tinitingnan nilang posibleng motibo ng pamamaslang ang hidwaan sa lupa, dahil napatay rin umano ang asawa ng biktima ngayong taon.
