HATAW! D'yaryo ng Bayan hatawtabloid.com
PATAY ang mag-asawa habang sugatan ang limang iba pa, nang sumabog ang isang granada sa Purok 8 Kubayan, Brgy. Casisang, sa lungsod ng Malaybalay, lalawigan ng Bukidnon, nitong Biyernes ng umaga, 8 Oktubre.
Kinilala ni Malaybalay CPS officer-in-charge P/Lt. Col. Ritchie Salva ang mga biktimang sina Jojit Leona, 44 anyos, at kanyang asawang si Remalyn Leona, 35 anyos.
Nagtatrabaho si Jojit bilang janitor sa Hall of Justice ng nabanggit na lungsod.
Lumabas sa imbestigasyon na nagsimula ang pagtatalo ng mag-asawang Leona nang komprontahin ni Jojit, habang hawak ang granada, ang asawa tungkol sa bintang niyang nanlalaki si Remalyn.
Namatay ang nagtatalong mag-asawa nang bigla umanong sumabog ang granada.
Samantala, dinala sa Malaybalay Polymedic General Hospital ang mga sugatan sa pagsabog na sina Raiza Mae Pacaldo, kapatid ni Remalyn; at dalawang menor de edad na napag-alamang mga kapitbahay ng mag-asawa.
Narekober mula sa pinangyarihan ng insidente ang isang safety lever, pull ring, 10 pirasong fragmentation, at isang striker spring, na pinaniniwalaang pawang mga bahagi ng hand grenade na hawak ni Jojit.
