Suelo tinalo si Young sa Balinas Jr., Chess Challenge

GINIBA ni Fide Master Robert Suelo, Jr., si International Master Angelo Young, 7-3, para masungkit  ang Grandmaster Rosendo Carreon Balinas, Jr., chess challenge sa tinampukang Bayanihan Chess Club match up series, Chess For A Cause na ginanap sa Goldland Chess Club, Village East sa Cainta, Rizal Huwebes, 30 Setyembre 2021.

Kumamada agad si Suelo ng 2-0 kalamangan sa 3 minutes plus 2 seconds increment, race to 7, draws not counted format, face to face, over the board chess tournament na ang punong abala ay sina Dr. Joe Balinas at Engr. Antonio “Uncle Paps” Balinas sa pakikipagtulungan ng Goldland chess club.

Nanalo si  Young sa 3rd game pero bumawi  si Suelo sa 4th game tungo sa 3-1 lead. Sa mga sumunod na laro ay nadale ni Suelo ang kartang, 5-2, bago nanalo ng isa si Young sa iskor na 5-3.  Pero pakatapos noon ay deretso na si Suelo sa nalalabing dalawang laro ng panalo.