Kuya Boy ‘di lilipat ng GMA 7 — Wala naman silang offer sa akin

FACT SHEET
ni Reggee Bonoan

TINULDUKAN na ni Boy Abunda ang kumalat na balitang lilipat siya sa GMA 7 at iiwan ang ABS-CBN.

Nagsimula ang tsikang lilipat ng tinanong ni Mama Loi, ang co-host ni Ogie Diaz sa kanyang YouTube channel na Showbiz Update kasama si Tita Jegs nitong Lunes kung totoong lilipat ang King of Talk at kung under negotiation na?

Sabi naman ng kilalang talent manager at content provider na tatanungin niya si Kuya Boy tungkol dito.

Sa panayam kay Kuya Boy ni Miguel Dumaual ng ABS-CBN news tungkol sa offer ng ibang network at sa pagkalat nito, sinabi ng King of Talk na, “Yeah, I’ve been offered by many, early on during the pandemic. Hindi ko alam kung bakit pumuputok ngayon ‘yan. Nahihiya tuloy ako sa Channel 7, wala namang offer sa akin ang channel 7,” sagot ni Kuya Boy.

Dagdag pa niya, “But I have been in discussion with various parties including people who are affiliated in 7. 

“I’ve been offered by other channels. I’ve been asked by people affiliated in TV5. I’ve been negotiating with independent producers to do talk shows. Yes, but I’m still waiting for ABS (CBN) to have free TV.”

Aminadong sobrang nami-miss na niya ang lumabas sa telebisyon.

“I miss television; I miss television (sabay ngiti). I miss doing my talk show in television,” paulit-ulit na sabi nito.

“Kung walang-wala na talaga eh, ‘di mag-a-apply na ako. Ha-hahaha! Mag-a-apply na ako sa iba pero sa ngayon, hindi totoo ‘yun!”

Baka kaya nasabing lilipat si Kuya Boy ay dahil sa balitang lilipat si Kim Atienza sa GMA 7.

“Remember Miguel siguro rin, I think Kuya Kim… is that official?” tanong nito sa ABS-CBN news reporter at kinompirma na nasa Kapuso Network na nga si Atienza lalo’t naglabas na sila ng teaser para sa pagsalubong sa kanya.

“Maybe because Kim nga is moving and there is ‘daw’ a teaser that somebody moving to 7, it may have something to do with it parang ganoon,” saad nito.

“So, as we talk now, ‘no’ is the answer,” pagtatapos ni Kuya Boy.