HATAW! D'yaryo ng Bayan hatawtabloid.com
DINAMPOT ng mga awtoridad ang isang senior citizen na wanted sa kasong human trafficking sa inilatag na manhunt operation sa bayan ng Minalin, lalawigan ng Pampanga, nitong Biyernes ng tanghali, 3 Setyembre.
Sa ulat mula kay P/Col. Arnold Thomas C. Ibay, provincial director ng Pampanga PPO, napag-alamang nagkasa ang mga operatiba ng Minalin Municipal Police Station (MPS) ng manhunt operation sa Brgy. Lourdes, sa nabanggit na bayan na nagresulta pagkakaaresto sa suspek na kinilalang si Filomena Singca, 65 anyos, may asawa, at residente sa naturang lugar.
Ayon sa ulat, si Singca ay may standing warrant of arrest na nilagdaan ni Judge Marinel Agudo-Santos, presiding Judge ng Cabanatuan City RTC Branch 23 para sa kasong paglabag sa RA 9208 (Anti-Trafficking in Persons Act of 2003) na inamyendahan ng RA 10364 (Expanding Anti-Trafficking in Person Act of 2012).
Pinuri ni PRO3 Regional Director P/BGen. Valeriano De Leon, ang operating troops para sa naging maayos na trabaho at pinagdiinang mahaharap ngayon sa prosekusiyon si Singca upang sagutin ang mga paratang laban sa kanya.
(MICKA BAUTISTA)
