Althea dasal ang sagot sa anxiety

Rated R
ni Rommel Gonzales

TINANONG namin si Althea Ablan kung ano ang isang bagay na pinakanami-miss niyang gawin na hindi niya magawa ngayon dahil sa pandemya?

“Ang freedom to explore without any cover sa ating face, without mask and face shield,”  simpleng sagot ni Althea.

At dahil nga sa pangit na sitwasyon dahil sa COVID-19, tinanong din nain si Althea kung nakaranas o nakararanas ba siya ng anxiety o depression ngayong panahon ng pandemya?  Paano niya ito hinaharap?

“Opo, hindi natin maiiwasan ‘yan lalo na sa panahon natin ngayon na ang dami talaga nating iniisip. 

“What I do whenever I experience anxiety is to talk to God and give time for myself like doing household chores, fixing my stuff, watching movies, or listening to music which will help me not to think too much.

“Para naka-focus lang ako sa bagay na ginagawa ko. 

“Hindi madali kapag inatake tayo ng anxiety or depression but always remember na nandiyan si God sa tabi natin kaya kapag nakararanas tayo ng ganito, kausapin lang natin si God.”

Ano ang maipapayo ni Althea sa mga millennial para kayanin ang buhay sa gitna ng pandemya?

“Let’s look on the positive side, maybe kaya ito nangyari para mayroon tayong ma-realize na ibang bagay.

“Madami akong natututunan during this pandemic tulad ng pag-appreciate ng small things. Hindi ba ngayon limited na ‘yung actions natin unlike before and it shows na kung paano nag-e-effort ‘yung tao para lang maipa-feel sa atin ‘yung love or happiness kahit ganito ‘yung pinagdaraanan natin.”

Mapapanood muli si Althea sa book 2 ng Prima Donnas soon, sa GMA.