Drug den sa Angeles sinalakay, 8 adik tiklo

ARESTADO ang walong personalidad na sangkot sa droga kabilang ang isang menor-de-edad matapos salakayin ng mga awtoridad ang isang drug den sa lungsod ng Angeles, lalawigan ng Pampanga, nitong Biyernes ng gabi, 6 Agosto.

Sa ulat mula kay PDEA Central Luzon Chief, Director III Bryan Babang, ikinasa ang operasyon ng mga ahente ng PDEA Pampanga Provincial Office sa 6 St., Villa Riles, Brgy. Balibago, sa nabanggit na lungsod.

Kinilala ang mga naaresto na sina Jeffrey Segarino, 23 anyos; Byron Ruiz, 23 anyos; Renzel Santos, 26 anyos; Angelo Villanueva, 38 anyos; Diana Villanueva, 29 anyos; Francis Manalo, 18 anyos; Efren Gapal, 56 anyos; at isang menor-de-edad na babae na isinuko sa City Social Welfare Development Office.

Nakompiska mula sa mga suspek ang pitong piraso ng selyadong pakete na nag­lalaman ng 20 gramo ng hinihi­nalang shabu na tinatayang nagka­kahalaga ng P136,000; sari-saring drug paraphernalia; at buybust money.

Ayon kay Babang, isina­gawa ng PDEA ang operasyon batay sa mga impor­masyon na ibinigay sa kanila ng ilang mamamayan sa lugar.

Nahahaharap ngayon ang mga suspek sa kasong paglabag sa Republic Act 9165 o The Comprehensive Dangerous Drugs Act of 2002.

(MICKA BAUTISTA)