Ping ninong sa kasalang Angel-Neil

USAP-USAPAN kung tuloy na ba ang pagni-ninong ni Sen. Ping Lacson kina Angel Locsin at Neil Arce sa kasal ng mga ito? At i-endorse kaya ni Angel si Ping sakaling madesisyonan na nitong tumakbo bilang presidente sa 2022 election?

Nasabi kasi noon ni Sen. Ping na kukunin siyang ninong ng dalawa dahil family friend niya ang pamilya ni Neil.

Bukod pa na gumanap si Angel na Robina Gokongwei sa Ping Lacson: Super Cop movie ni Rudy Fernandez. Kaya masasabing close talaga ang dalawa sa senador.

Si Angel iyong ini-rescue ni Daboy that time na batamtaba pa si Angel at sinasabing 15-anyos pa lang at hindi pa ganoon kasikat.

At sakaling gawing muli ang talambuhay ni Sen. Ping na ang napipisil na gumanap ay sina Coco Martin o Dingdong Dantes, puwede rin daw gumanap na misis si Angel nina Coco o Dingdong.

Well, ‘yan ang ating aantabayanan bagamat hindi pa ipinaaalam nina Angel at Neil kung kailan ba talaga ang kanilang pag-iisandibdib.

– Maricris V. Nicasio