HATAW! D'yaryo ng Bayan hatawtabloid.com
MAY matinding dahilan pala ang aktres kaya niya iniwan ang karelasyong actor na ayaw magbago at iwan ang bisyo.
Sobrang in love noon ang aktres sa actor, katunayan nagpakalayo-layo sila para masolo nila ang kanilang daigdig, malayo sa tsismis, sa polusyon at iba pang makasisira ng kanilang relasyon.
Pero kahit na anong pagsisikap ng aktres na isalba ang kanilang relasyon ay hindi mangyayari kung walang kooperasyon ang dyowang aktor.
Hanggang isang araw ay nagising na lang ang aktres na hindi na niya mahal si aktor at hindi niya nakikita ang sarili na kasama siya habambuhay kaya nagdesisyong iwanan na.
Bagama’t wala ng pagmamahal ay nasaktan pa rin ang aktres dahil inalala nito ang kanilang pinagsamahan kaya dumaan din sa counselling ang dalaga para makapag-move on.
Si aktor naman ay maluwag sa dibdib na tinanggap ang hamon ng aktres pero nanatili silang magkaibigan dahil dati naman talaga silang tropa bago nauwi sa relasyon.
Sa kasalukuyan, walang lovelife si aktor dahil mas type nito ang mag-trabaho ng magtrabaho para makaipon ulit dahil marami siyang property na binili.
Samantalang si aktres naman ay nag-e-enjoy sa buhay niya ngayon kasama ang bagong lalaking nagpapasaya sa kanya. (Reggee Bonoan)
