HATAW! D'yaryo ng Bayan hatawtabloid.com
ANG mahusay na aktres na sina Cherry Pie Pichache, Angel Locsin, at Jane De Leon ang gustong makatrabaho ni Bidaman Wize Estabillo.
Ani Wize, “Si Ms Cherry Pie ang isa sa gusto kong makatrabo, simula ng mapanood ko siya sa ‘Ina, Kapatid, Anak’ humanga na ako sa kanya ang galing-galing niyang aktres.
“Bukod sa ‘di lang siya mahusay sa drama, dahil mahusay din siyang mag-comedy at maging sa horror.
“Gusto ko rin maka-work sina Angel Locsin at Jane De Leon na parehong ‘Darna,’ maganda, sexy, at mahusay umarte.
“Actually po si Jane ang showbiz crush ko, simula po ng mapanonod ko siya sa ‘Halik.’
Sina Jericho Rosales at Zanjoe Marudo naman ang mga actor na gusto niyang makatrabaho.
“Hopefully po sana makatrabaho ko sila, dream come true po ‘yun sa akin.”
Sa ngayon ay abala si Wize bilang online host ng It’s Showtime at may solo live stream din ito sa KUMU tuwing Lunes at Biyernes, 10:00 p.m. up to12 midnight. Tuwing Miyerkoles at Sabado naman sa Goodvibes with Bidaman kasama ang iba pang Bidaman.
“Thankful po kami kasi parang ito ‘yung chance namin na makapag-bonding and at the same time, makapagbigay goodvibes sa mga nagsu-support din sa amin,” wika pa ni Wize.
John Fontanilla
