GMA mas enjoy sa new artists (Dating alaga ‘di inire-renew)

HATAWAN
ni Ed de Leon

NGAYON inaamin na ng GMA na may mga dati silang mga artista na hindi na nila ini-renew ang contract sa kanilang network.

May apat na female stars na nagsabing hindi na nga nila ini-renew ang contract sa GMA, sina Sunshine Dizon at Janine Gutierrez na parehong lumipat sa ABS-CBN. Sina Kris Bernal at Bea Binene na walang contract kahit kanino at nakabitin ang career.

Mabuti-buti pa iyong Kris, nakalalabas sa ibang TV shows. Iyong Bea, nakiki-co-host na lang sa isang radio program sa ngayon.

Maski si Michael V, na nasa kanila nang mahabang panahon ay wala na ring exclusive contract sa network. Dati hindi lang artista si Michael V, naging think-tank nila iyan sa maraming shows.

Marami pang dati nilang stars na mawawala sa network, habang kumukuha naman sila ng galing sa iba.