HATAW! D'yaryo ng Bayan hatawtabloid.com
PUMIRMA ng kontrata sa Regal Films ang dating Walang Tulugan with The Mastershowman co-host at Star Magic Circle Batch 19 na si Arkin Del Rosario kaya naman isa na itong ganap na Regal Baby tulad nina Gabby Concepcion, Albert Martinez, William Martinez atbp..
Masaya nga ang guwapong teen actor na mapabilang sa kuwadra ni Mother Lily Monteverde lalo’t bata pa ito ay nanonood na siya ng mga pelikula ng Regal Films at ngayon ay siya na ang mapapanood sa mga up-coming films ng Regal.
At habang naghihintay pa ito ng pelikulang gagawin sa Regal, pagbabasa ng libro at pagwo-workout ang pinagkakaabalahan ni Arkin.
Kuwento nito, ”Bata pa lang po ako mahilig na talaga akong magbasa ng libro, kaya naman kapag wala akong pinagkakaabalahan at wala akong taping or shooting, ang pagbabasa ng libro ang aking pinagkakabisihan.
“Bukod dito, lagi rin akong nagwo-workout para mapanatili kong okey ‘yung body ko and para sa health na rin.
“Lalo na ngayong pandemic na limitado ang galaw dahil bawal gumala-gala kaya sa bahay kang ako at nagwo-workout.”
Dagdag pa ni Arkin na nakipag-meeting na sila sa Regal sa kung anong mga proyekto ang gagawin niya ito at excited na siyang gumawa ng pelikula sa nasabing film outfit.
(JOHN FONTANILLA)
