Joed tuloy-tuloy sa paggawa ng pelikula

KAHIT marami ang nagsasabi na mahina ang kita sa paggawa ng pelikula ngayon lalo’t napapanood lang online,  deadma ang producer ng Godfather Productions na si Joed Serrano.

Pagkatapos ng matagumpay na pagpapalabas ng  Anak ng Macho Dancer, sunod-sunod na pelikula pa ang ginagawa ni Joed.

Nariyan ang Kontrabida ni Nora Aunor gayundin ang  kanyang true to life story na Loves, The Miracles, & The Life of Joed Serrano na isang digital BL movie.

Idagdag pa ang Banat na inihayag ni Joed sa kanyang Facebook account, ”One THING they have in common is kasama sila lahat sa movie na “BANAT” a police Action movie at kaibigan nila si Rapunzel.

Bibida sa Banat sina Charles Nathan at Ricky Gumera na bibida rin sa Anak ni Totoy Mola.

MATABIL
ni John Fontanilla