HATAW! D'yaryo ng Bayan hatawtabloid.com
APAT na lalaking tinaguriang ‘rich kids’ ang inaresto ng mga awtoridad, matapos makompiskahan ng halos
P1.9 milyong halaga ng hinihinalang ecstasy nitong 6 Mayo sa Bonifacio Global City, Taguig City.
Sa ulat, kinilala ang mga suspek na sina Timothy Joseph Espiritu, alyas Elix, Lorenzo Vito Barredo, John Valdueza Galas, at Aureo Alota Cabus, Jr.
Nakompiska sa apat na ‘rich kids’ ang 500 pcs. Molly (capsulized Ecstasy) na tinatayang P1,750,000 ang halaga base sa standard drug price (SPD); 100 pcs. MDMA (Ecstasy tablets) may P200,000 SPD, buy bust at boodle money, isang Range Rover, may plakang PDQ 397, identification cards, 1 unit Iphone, at 1 unit Android phone.
Pinuri ni NCRPO Regional Director P/MGen. Vicente Danao, Jr., ang matagumpay na joint buy bust operations ng mga operatiba ng PDEA RO-NCR, Southern Police District sa pamumuno DD P/BGen. Eliseo Cruz at PCP-BGC Police Station na nagresulta sa pagkakadakip ng pinaniniwalaang malalaking drug courier.
Samantala, inihahanda ang kaukulang asunto na paglabag sa Sections 5 , 11 at posibleng 15 Art II ng RA 9165 o Comprehensive Dangerous Drugs Act of 2002.
Ayon kay RD Danao, “Team NCRPO will not waver in our campaign against illegal drugs despite the current health crisis. We will continue to protect our people and we will never allow drug personalities to thrive in the community.” (ALEX MENDOZA)
