HATAW! D'yaryo ng Bayan hatawtabloid.com
HINDI naiwasang maiyak ni Pokwang sa virtual movie presscon ng Mommy Issues, Mother’s Day offering ng Regal Entertainment Inc. na ipalalabas sa May 7 sa Upstream, KTX, iWant, at TFC sa tuwing mapag-uusapan ang kanyang yumaong ina.
Miss na miss na ni Pokwang ang kanyang ina.
Kuwento ni Pokwang, ni minsan ay ‘di nakialam ang kanyang mommy, very supportive ito at nagbibigay lang ng suhestiyon sa kanya.
At dahil malapit na ang Mother’s Day, gusto lang nitong iparating sa kanyang yumaong ina na mahal na mahal niya ito at sana ay lagi siyang bantayan nito pati na rin ang kanyang pamilya.
Ibinahagi rin nito ang role na kanyang ginagampan sa Mommys Issues bilang si Ella, anak ni Fenny, Miss Universe 1969 Ms. Gloria Diaz at Mommy ni Katya, Sue Ramirez.
Si Ella ay isang hardworking single mother na ibinigay ang buong buhay sa kanyang nag-iisang anak na si Katya, dahil sa sobra-sobrang pagmamahal sa anak.
Dagdag pa ni Pokwang, si Ella ay nagkaroon ng karelasyon na mas bata sa kanya, si Mr. Kim Jae Ho (Ryan Bang) nan a-enjoy nang husto ni Pokwang ang harutan nila nito sa nasabing pelikula.
Makakasama rin ni Pokwang sa Mommys Issues si Jerome Ponce mula sa panulat at direksiyon ng award winning director na si Jose Javier Reyes. Mapapanood ang trailer ng Monmy Issues sa Youtube, Facebook, Tiktok, at IG ng Regal Entertainment Inc.
MATABIL
ni John Fontanilla
