Pia kompiyansang maiuuwi ni Rabiya ang korona

ISA si Miss Universe 2015 Pia Wurtzbach na naniniwalang malaki ang potensiyal ni 2020 Miss Universe Philippines Rabiya Mateo na maiuwi ang 2020 Miss Universe crown.

Naalala ni Pia na hindi halos nagkakalayo ang naging journey nila ni Rabiya nang lumaban sa Miss Universe 2015, na marami ring nam-bash  at ‘di naniwalang mananalo.

Dark horse si Rabiya at hindi paborito during Miss Universe Philippines  kaya naman marami ang nagulat at nagtaas ng kilay ng ito ang nakapag-uwi ng korona.

Kaya naman puro pamba-bash ang inabot ni Rabiya na idinaan sa pag-iyak. Mabuti na lang at nandiyan ang mga dating Miss Universe din na si Gloria Diaz, gayundin sina Catriona Gray at Pia Wurtzbach para palakasin ang loob ni Rabiya.

At dahil bilib si Pia ka’y Rabiya binigyan niya ito ng naging lucky charm niya noong lumaban, ang kanyang preliminary shoes na ginamit naman ni Rabiya nang lumipad papuntang USA. Bukod sa sapatos, binigyan  din ni Pia si Rabiya ng ilang care package na puwedeng gamitin during the pageant.

Positibo naman si Rabiya sa pagtungo sa Amerika at sinabing ibibigay niya ang kanyang 100 plus energy para masungkit ang 2020 Miss Universe crown at para maging proud sa kanya ang mga Filipino.

MATABIL
ni John Fontanilla