Mart kinarir ang pagiging Victor Wood

KINARIR nang husto ni Mart Escu­dero ang role bilang Victor Wood sa pelikulang JukeBox King: The Life Story of Victor Wood ayon sa Kapuso actress na si Kim Rodriguez.

Tsika ni Kim, ”Sobrang kinarir  ni Mart ‘yung role niya bilang Victor Wood, sobrang replica siya nito mula sa tindig, hitsura, at pagsasalita, as in pinag-aralayan niya, ang galing.

“Kahit nga mga staff and crew ng movie namin nagsasabi na para talaga siyang si Victor Wood.”

Dagdag pa ni Kim, ”Sobrang galing umarte ni Mart, kapag kaeksena ko mo siya madadala ka talaga sa kanya,. Kailangan ready ka kapag kaharap mo siya kasi magaling talaga. ‘Pag ‘di ka ready mahihiya ka sa kanya, kaya ako lagi akong ready.

“Tapos sobrang bait niya, first time ko lang siya nakatrabaho pero first shooting pa lang okey na kami ang gaan niya katrabaho, very professional.

“Kaya naman isa siya sa mga nakatrabaho kong actor na gusto kong makatrabaho ulit. Sana after this movie makagawa kami ng iba pang proyekto,” giit pa ni Kim.

Bukod sa nasabing pelikula, abala rin ang actress sa kanyang mga negosyong Milk Tea, clothing line, at relo habang naghihintay pa ng next project sa GMA.

Ang Juke Box King: The Life Story of Victor Wood ay hatid ng EBC Films and Eagle Broadcasting Corporation, at idinirehe ni Carlo Ortega Cuevas. Bukod kina Mart at Kim, kasama rin sina Elizabeth Oropesa, Alwyn Uytingco, Paolo Marcoleta, Antonio Aquitaña, Kristel Fulgar, Jasmin Henry, at Jon Lucas.

MATABIL
ni John Fontanilla