HATAW! D'yaryo ng Bayan hatawtabloid.com
SA MATAAS na kaso ng coronavirus disease o CoVid-19, anim na barangay sa Maynila ang idineklarang critical zone, kaya sinimulan ang apat na araw na lockdown sa mga nasabing lugar.
Ito ay ang mga sumusunod na barangay: Barangay 185, Tondo; Barangay 374, Sta. Cruz; Barangay 521, Sampaloc; Barangay 628, Sta. Mesa; Barangay 675, Paco; at Barangay 847, Pandacan.
Ayon sa ulat, lahat ng nasabing barangay nakapagtala ng higit 10 active cases ng CoVid-19 na kapansin-pansin na karamihan sa mga nagpopositibo ay pami-pamilya.
Nagsimula ang lockdown nitong hatinggabi ng Miyerkoles, 17 Marso, na tatagal hanggang Sabado, 20 Marso.
