HATAW! D'yaryo ng Bayan hatawtabloid.com
SI Glaiza De Castro ang iniidolo ni Elijah Alejo pagdating sa pagkokontrabida.
Ayon kay Elijah, ”Kung sa pagkokontrabida ang gusto ko si ate Glaiza De Castro dahil kahit anong role po kaya niya and kitang kita po ‘yung passion niya sa pag-arte. Hindi ko nakikita si Ms Glaiza kundi ‘yung character niya.
“Bukod po sa puwede siyang magkontrabida na kering-keri niya, puwede rin po siyang magbida. Sobrang galing po niya, napaka- versatile actress.
“Katulad po ni Ate Glaiza, gusto ko ring maging versatile actress. ‘Yung kahit anong role ang ibigay sa ‘yo kering-keri mo mapa-bida o kontrabida.
“Isa sa dream ko na makasama siya sa isang proyekto sa GMA o maging sa pelikula,” tuloy-tuloy na sabi ni Elijah.
Pero hindi nama issue kay Elijah kung malinya siya sa pagkokontrabida lalo’t dito siya nag-click at hinangaan.
“Okey lang po if ‘yung next project ko kontrabida uli ako. Kasi mas nacha-challenge ako sa pagiging kontrabida lalo na papalit-palit ng emotions. Pero kahit anong role naman ang ibigay sa akin kakayanin ko,” wika pa ni Elijah.
Sa ngayon ay naghihintay pa si Elijah sa next project na ibibigay sa kanya ng GMA 7 lalo;t nagtapos na ang top rating afternoon serye nilang Prima Donnas.
MATABIL
ni John Fontanilla
