HATAW! D'yaryo ng Bayan hatawtabloid.com
LAMAN ng social media at usap-usapan ang halikan nina Teejay Marquez at Jerome Ponce sa BX J Forever na ipinalabas kamakailan.
Ito ang continuation ng halikan nina Teejay at Jerome sa pasabog na ending ng ng Ben X Jim na marami ang nadesmaya dahil sa pinekeng kiss nila na halata.
Kaya naman natuwa ang libo-libong fans ng dalawa dahil unang episode pa lang ay pasabog na dahil sa halikan nina Teejay and Jerome na napanood sa UPSTREAM.ph.
Marami tuloy ang nagtatanong sa gender ng dalawa dahil sa eksena na ikinagulat ng mga supporter nila.
Kaya naman nang makarating ito kay Teejay, natawa. ” Nakakatuwa kasi nata-touch sila sa character namin ni Jerome at inisip nila na ganoon na rin kami in real life. Ibig sabihin, effective kami sa mga role na ginampanan namin.
“Dati ng issue ‘yan, ‘di ko na pinapansin na kesyo bading ako lalo na nang ginawa ko itong ‘Ben x Jim.’
“Pero kilala ko naman ang sarili ko at ng mga nakakakilala sa akin. ‘Yun ang mahalaga kaysa sinasabi ng ibang tao.
“Nirerespeto ko kung ano ‘yung gusto nila sabihin kasi entitled naman ang bawat isa na sabihin ang kanilang saloobin.
“Basta kung ano ang napapanood nila sa ‘B X J Forever’ role lang ‘yun na ibinibigay namin ‘yung best para mas mapaganda pa,” mahabang paliwanag ni Teejay.
Bukod sa B X J Forever kasama rin siya sa Girl Online ng Regal Films at Largavista at idinirehe ni Jose Javier Reyes. Kasama niya rito sina Adrienne Vergara, Kat Galang, at Fino Herrera. May isa pa siyang pelikula na gagawin na ayaw munang magbigay ng detalye.
MATABIL
ni John Fontanilla
