HATAW! D'yaryo ng Bayan hatawtabloid.com
HINDI nagustuhan ni Ricky Gumera ang pagtawag ng ‘babe’ ni Miko Pasamonte kay Joed Serrano. Hindi maikakaila na kung walang pulis sa buhay ni Joed, si Ricky ang tiyak na dyowa nito.
Pero itong si Miko, walang tigil sa pagsuyo kay Joed. Pilit na sinasabing sila na.
Nakalipat na si Miko sa bagong bahay nito na ibinigay ni Joed. Tinupad lang ng mega producer ang commitment niya sa tinaguriang the newest sex symbol ng panahon ngayon.
Samantala, ‘di nagpapatinag ang bagong Totoy Mola na si Ricky na tahasang pagpapahayag na mapupunta sa kanya si Joed. Sadya ngang mahaba ang buhok ni Rapunzel este ni Joed sa nangyayari ngayon.
Abangan ang grand presscon /bday celebration ni Mr. P (tawag kay Joed) ngayong Enero. Ating alamin kung ano ang mangyayari kina Miko at Ricky sa araw na magkita sila.
After Anak Ng Macho Dancer ang iba pang ipo-prodyus ng Godfather Productions ay ang Kontrabida nina Nora Aunor & Charles Nathan; Ang Bagong Totoy Mola ni Ricky Gumera; The Loves, The Miracles & Life of Joed; Lockdown Kapit sa Patalim nina Paolo Gumabao, Sean de Guzman; Burlesk ang Huling Sayaw; Banat, Macho Gay; Monay & Everything, M.I.L.F. Matinee Idol; Cybersex, The Mico Pasamonte Story; My Bestfriends Husband nina Romnick Sarmenta, Sheryl Cruz and Joed; Matrona; Mga Batang Tondo, Artista Ako Eh, Super Pogi & Friends, Libog,Sir; at Binili Kong Pagibig. (JOHN FONTANILLA)
