Roldan Castro, muling pamumunuan ang PMPC 3 sa kolumnista ng Hataw, opisyales

NAIHALAL na ang bagong pamunuan ng Philippine Movie Press Club (PMPC). Naganap ang halalan noong  January  8, 2021 sa  opisina ng club sa Roces Avenue, Quezon City.

Ang entertainment editor ng Abante Tonite na si Roldan Castro ang 2021 PMPC President. Ito ang pangatlong beses niyang panalo. Una siyang naging presidente noong 2009 at nasundan ito noong 2012.

“Challenging ang pamumuno ngayong pandemya  kaya sana ay sama-sama at magkaisa sa pagtataguyod ng club,” sabi ng bagong halal na Pangulo ng PMPC.

Bukod kay Roldan ang mga bagong officer ng PMPC ay kinabibilangan nina Fernan de Guzman (VP), Mell Navarro (Secretary), at Mildred Bacud (Assistant Secretary).

Si Boy Romero pa rin ang Treasurer ng club habang Assistant Treasurer naman si Lourdes Fabian. Si John Fontanilla ng Hataw ang Auditor at nahalal  namang PRO sina Rodel Fernando at Leony Garcia. Ang Board of Directors ay binubuo nina Sandy Mariano, Joe Barrameda, Eric Borromeo, Timmy Basil, Rommel Placente, at Francis Simeon.