HATAW! D'yaryo ng Bayan hatawtabloid.com
NATAUHAN si Isabel Rivas nang makatikim ng totoong sampal mula kay Nora Aunor. Ang sampalan ay nangyari sa sa seryeng Bilangin ang mga Bituin sa Langit ng GMA 7.
Grabe raw palang manampal si Guy. Walang kiyeme. Nagmukha tuloy natural ang acting ni Isabel na talagang nasaktan siya. Namula nga ang sampal na iyon.
Kasi ba naman, taray-tarayan ba naman niya ang superstar. Kaya ayun, binilang niya talaga ang mga bituin dahil sa lakas ng sampal na dumapo sa kanyang mukha.
OSPITAL SA BALIUAG,
AYAW NG PROMISSORY
NOTE
HINDI masaya ang nakaraang Kapaskuhan at Bagong Taon namin dahil naospital ang 5 year old baby girl apong si Kendra Aguilar dahil mahilig sa isaw at mga maaalat na junk food.
Nagpapasalamat kami sa maganda at mabait na doktora sa Marcelo Hospital sa Baliuag, Bulacan na si Dr. Maryjane Ontoy. Napansin naming na very patient siya at malambing sa mga pasyente lalo sa mga bata. Masisipag din at courteous ang mga staff, Nurse, at frontliner ng ospital.
Napansin lang namin na hindi pumapayag ang ospital ng promissory note, tsk tsk tsk. Parang unfair naman po yata ito lalo’t mahihirap ang pasyenteng taga-Baliuag. Hindi ba alam ng ospital na nagsa-suffer sa kahirapan ang mga kababayan dahil sa covid attack?
Kaunting pagmamahal naman po sana at hindi nagpapasilaw sa taginting ng iba’t ibang kulay ng perang papel.
Nagpapasalamat naman kami sa mga nagbigay-tulong sa amin para mailabas agad ang aming apo.
SHOWBIG
ni Vir Gonzales
