HATAW! D'yaryo ng Bayan hatawtabloid.com
MASAYA si Teejay Marquez sa pagkakapanalo ng kanilang BL series na Ben X Jim ng Regal Entertainment bilang PH BL Series of the Year. Kasabay nilang pinarangalan ang dalawa pang trending PH BL Series, ang Game Boys ng Ideal First at Gaya sa Pelikula ng Globe Studios sa nasabing kategorya sa katatapos na 11th TV Series Craze Awards 2020.
Ayon kay Teejay, ”Sobrang nakatataba po ng puso na ‘yung 1st season ng BL Series namin na ‘Ben X Jim’ ay napasama sa PH BL Series of the Year along with ‘Gaya sa Pelikula’ at ‘Game Boys.’
“Kaya maraming-maraming salamat sa 11th TV Series Craze Awards 2020 dahil sa dinami-dami ng BL Series sa Pilipinas ay napasama kami.
“And salamat din sa mahusay naming director na si Direk Easy Ferrer, kay Ma’am Roselle at Mother Lily Monteverde ng Regal Entertainment at sa buong casts ng ‘Ben X Jim’ mula sa partner ko, Jerome Ponce, Ron Angeles, Kat Galang, Sarah Edwards atbp.
“Kaya dapat nilang abangan ang season 2 ng ‘Ben X Jim’, ang ‘BXJ Forever’ dahil kung nagustuhan nila ‘yung season 1, tiyak magugustuhan nila ‘yung season 2.”
“Aabangan din nila rito ‘yung mga bagong characters na papasok sa buhay namin ni Jim (Jerome) at kung ano ba ang magiging role nila sa aming dalawa, ‘di ko muna sasabihin kung sino-sino sila basta abangan na lang nila,” masayang tsika pa ni Teejay.
Excited na nga si Teejay sa pag-ere ng kanilang BXJ Forever.
MATABIL
ni John Fontanilla
