HATAW! D'yaryo ng Bayan hatawtabloid.com
PALABAN at walang kiyeme ang baguhang actor at lead actor sa BL/supernatural series na si VR Relosa na handang mag-frontal sa isang pelikula na pinagbibidahan niya.
Ani VR, gagawin niya ang pagpo-frontal dahil kailangan talaga sa eksena. “Willing po akong mag-frontal sa pelikula, kung ako ang bida at kinakailangan at sa ikagaganda ng pelikula.
“Basta sinabi ng direktor at na-explain sa akin kung bakit kailangan kong gawin, gagawin ko bilang part ng trabaho.
“At saka ‘di naman ako mapapahiya ‘pag nag-frontal ako kasi may ilalaban naman itong ‘alaga’ ko ha ha ha. Siguro kung wala ‘wag na lang kasi nakakahiya ha ha ha.”
At kung magpo-frontal sa isang BL series o pelikula, gusto niyang si Tony Labrusca ang kaeksena.
“Si Tony (Labrusca) kasi bukod sa magaling na actor wala rin siyang kiyeme pagdating sa paghuhubad sa pelikula.”
At sa babae naman, si Bea Alonzo ang gusto niyang makatrabaho. “Si Bea kasi idol ko talaga ‘yan pagdating sa pag-arte may lalim. Bilib na bilib ako sa husay niya kaya isa talaga siya sa gusto ko makatrabaho. Kahit may frontal scene with her okey lang sa akin.”
At kung nagawa nga nitong gawin ang mga eksenang may umaatikabong halikan at lovescene sa international BL/supernatural series ay kayang-kaya na rin niyang maghubo’t hubad sa isang proyekto basta maganda at kailangan talaga sa istorya.
Makakasama ni VR sa BL/supernatural series na Cheat sina Migo De Vera, Allora Alcantara, Daryll Rodriguez, Iya Canlas, Tuesday Vargas, Daiana Menezes, at Claudia Enriquez. Ito ay idinirehe ni Craig Lines at mapanood na sa Youtube simula ngayong araw, Dec. 1, 2020.
MATABIL
ni John Fontanilla
