Janine Gutierrez, Pinakamahusay na Aktres sa 43rd Gawad Urian

Rommel Placente November 13, 2020 Showbiz

INILABAS na ng Manunuri ng Pelikulang Pilipino ang mga winner nila para sa iba’t ibang kategorya para sa kanilang 43rd Gawad Urian.

Noong Martes,November 10 nila ito ini- announce sa pamamagitan ng kanilang social media broadcast like Facebook page, at Youtube channel.Major winners sina Janine Guttierez at Elijah Canlas. Itinanghal na Best Actress ang una para sa pelikula niyang Babae at Baril, samantalang ang huli naman bilang Best Actor para sa Kalel,15.

Ito ang first time na nanalo ang dalawa ng acting award mula sa nasabing award-giving body.

Bongga si Janine dahil ang mga tinalo niya sa Best Actress category na nakalaban niya ay sina Alessandra de Rossi para sa Lupid; Angie Ferro para sa Lola Igna; Anita Linda para sa Circa; Bela Padilla para sa Manianita; Jean Garcia para sa Watch Me Kill; Nadine Lustre para sa Ulan; Ruby Ruiz para sa Iska; Sue Prado para sa Alma-Ata; Max Eigenmann para sa Verdict; at Kathryn Bernardo para sa Hello Love, Goodbye.

O ‘di ba, bongga ang mga artistang tinalo ni Janine? Puro mga award winning actress.

Pero in fairness, maraming nakapanood ng Babae at Baril ang nagsasabing magaling doon ang anak ni Lotlot de Leon. Kahit kami, ay napanood ang pelikulang ‘yun at masasabi naming deserving manalo si Janine.

To Janine, our congratulations!

Narito ang kompletong listahan ng mga nanalo sa 43rd Gawad Urian.

Best Picture – Babae at Baril

Best Actor – Elijah Canlas (Kalel, 15)

Best Actress – Janine Gutierrez (Babae at Baril)

Best Supporting Actor – Kristoffer King (Verdict)

Best Supporting Actress – Yayo Aguila (Metamorphosis)

Best Direction – Rae Red (Babae at Baril)

Best Screenplay – Jun Lana (Kalel, 15)

Best Cinematography – Tey Clamor (Babae at Baril)

Best Documentary – Miko Revereza (No Data Plan)

Best Short Film – Carla Pulido Ocampo (Tokwifi)