HATAW! D'yaryo ng Bayan hatawtabloid.com
BINAWIAN ng buhay ang isang kapitan ng barangay nang pagbabarilin ng hindi kilalang mga suspek, nitong Martes ng umaga, 3 Nobyembre, sa bayan ng Bangued, lalawigan ng Abra.
Kinilala ng mga imbestigador ang biktimang si Jason Bergonia Garcia, 34 anyos, residente at kapitan ng Barangay Lingtan, sa naturang bayan, na nagmamaneho ng isang trak nang pagababarilin ng mga suspek dakong 6:00 am kahapon.
Tinamaan si Garcia ng mga bala ng baril sa kaniyang ulo na naging sanhi ng agarang kamatayan.
Nangyari ang insidente dalawang araw matapos barilin ang isang guro habang nagpapagupit ng buhok sa kabisera ng lalawigan ng Abra.
