Kim, happy sa pagbabalik-trabaho (matapos matengga ng ilang buwan)

HAPPY si Kim Rodriguez dahil pagkatapos ng ilang buwang nabakante sa trabaho, unti-unting dumarami ang proyektong dumarating sa kanya.

 

Ayon kay Kim, “Nakatutuwa po kasi after ilang buwan na wala talaga akong  proyekto dahil sa Pandemic Covid-19, eh heto at unti-unti nang dunarami ang proyekto ko.

 

“Simula po kasi nang pinayagan ulit mag-taping at mag- shooting natuloy na rin ‘yung mga projects ko na dapat noon pa namin ginawa, like ‘yung movie na sa wakas ay matutuloy na.

 

“Mayroon din akong mga guesting sa mga show ng GMA 7, kaya ang saya-saya lang kasi back to work na talaga ako.

 

“Hopefully sana magtuloy-tuloy na kasi nakaka-miss lang talaga na may trabaho lalo na’t sanay ako na laging may ginagawa. Siguro ang hindi ko lang magagawa ay ‘yung mag-show sa iba’t ibang lugar sa Pilipinas at ang paborito kong gawin, ang mag-travel abroad,” mahabang kuwento ni Kim.

 

Pati mga negosyo ng aktres ay unti-unti na ring nagbubukas. “Happy ako kasi unti-unti ng nagbubukas ‘yung mga business ko kasi lumalabas na kahit paano ‘yung mga tao, may extra income na, ilang buwan din kasi kaming sarado.

 

“Sana maging normal na ang lahat para mas gumanda na ang takbo ng mga negosyo sa Pilipinas,” saad pa ng aktres.

 

Bukod sa negosyo, guestings sa mga show ng Kapuso Network, at pelikula, makakasama rin siya sa bagong serye na malapit nang simulant sa GMA.

MATABIL
ni John Fontanilla