HATAW! D'yaryo ng Bayan hatawtabloid.com
MULA sa pagiging sikat sa Tiktok, balak ding pasukin ni Karl Limpin, na may more than 500k followers sa Tiktok ang mundo ng showbiz.
At dalawa nga sa gusto nitong makapareha ay ang dance princess na sina AC Bonifacio at Jillian Ward.
“Si AC po kasi magaling sumayaw, kaparehas ko po na passion ang dancing. Kaya dream ko na makasama at makahatawan siya sa dance floor..
“Gandang-ganda naman po ako kay Jillian. Bukod pa sa magaling umarte, sana makatrabaho ko siya sa isang acting project.
“Sina Ac at Jillian ‘yung maututuring ko pong showbiz crush ko at dream come true po sa akin kapag nakatrabaho ko sila,” ani Karl.
Kuwento pa ni Karl na sumikat siya sa Tiktok at nag-viral nang mag- pandemic dahil walang magawa. Nag-focus siya sa pagti-Tiktok at gumawa ng iba’t ibang dance challenge, hanggang sa nag-click ‘di lang sa Pilipinas kundi pati sa ibang bansa. Ito ‘yung That Boy Dougie.
“Since dancer po ako at mahilig sumayaw at mag-choreo, gumawa ako ng mga dance challenge sa Tiktok noong pandemic at may isa akong dance challenge na nag-click ‘yung ‘That Boy Dougie’ bale umabot siya sa ibang bansa.
“’Yung mga sikat sa Tiktok sa ibang bansa ginagawa na rin nila ‘yung dance challenge, roon po ako nag-start makilala ng mga tao. Bale almost 2 million na po ‘yung views ng dance challenge at 500K plus naman ‘yung gumawa ng dance challenge.
“At kahit po ang Bad Boy sa Dance Floor na si Mark Herras at ‘yung ibang mga sikat sa Tiktok sa Pilipinas ginawa na rin nila ‘yung ‘That Boy Dougie’ dance challenge.
“Dahil po roon nagkaroon po ako ng mga endorsement at kumikita na rin po ako kahit paano,” sambit pa ng Tiktokers.
Tuloy-tuloy pa rin ang pggawa ni Karl ng mga dance challenge habang pinagsasabay ang kanyang pag-aaral.
MATABIL
ni John Fontanilla
