Rosemarie de Vera, matagumpay ang pag-i-import ng bigas

MASAYA ang dating  beauty queen Mutya ng Pilipinas, Rosemarie de Vera sa kanyang buhay ngayon sa America. Nasa Los Angeles si Rosemarie at happily married siya kay Giovanni Javier.

 

Malalaki na ang mga anak ni Rosemarie na nagbalik-‘Pinas noon bilang guest sa reunion ng Mutya ng Pilipinas.

 

Sa totoo lang, lutang pa rin ang beauty ni Rosemarie amongst the other. Patunay na napanatili niya ang ganda at magandang figure ng katawan. Hindi kasi siya tumaba tulad ng ibang dating beauty queens.

 

Paano naman, naggi-gym pala siya sa America at maingat sa mga kinakain.

 

Nagkikita sila roon ng ilang kapwa beauty queen/actress tulad nina Jennifer Cortez, Jean Saburit, at minsan pati si Azenith Briones.

 

May negosyo si Rose, importer ng bigas mula Vietnam. Isusunod na rin niya ang pag-import sa Pilipinas para makatulong sa mga magsasaka natin.

SHOWBIG
ni Vir Gonzales