Jennylyn, ibinuking ang away-bati nila ni Dennis

MALAKI ang ipinagbago ng working relationship nina Jennylyn Mercado at Dennis Trillo sa bagong serye nilang I Can See You: Truly. Madly. Deadly.

 

Excited ang fans ng Kapuso couple dahil mapapanood na nila ang much-awaited reunion ng dalawa sa primetime na makakasama rin si Rhian Ramos.  Huling nagtambal sina Dennis at Jennylyn sa GMA series na  My Faithful Husband noong 2015.

 

Biro ni Jennylyn, hindi na sila nag-aaway ni Dennis sa set. “Ngayon kasi hindi na kami nag-aaway. Dati away kami ng away sa set. Mas smooth na..

 

Dagdag pa ni Jen, “Ever since naman, si Dennis, masarap siya talagang katrabaho kasi napakagaling na aktor.”

 

Para naman kay Dennis, nakatulong ang quarantine para mag-improve ang teamwork nila. “Mas nae-enjoy namin magkasama sa trabaho. Siguro dahil marami kaming time na ini-spend ngayong quarantine. Mas nag-a-adjust kami kasi magkasama kami every day. Nadala namin ‘yun kahit na nandoon kami sa trabaho.”

 

Tampok din sa ikaapat na installment ng I Can See You sina Jhoanna Marie Tan with the special participation of Ruby Rodriguez. Mapapanood ang Truly. Madly. Deadly ngayong Lunes (October 19), 9:15 p.m., sa GMA Telebabad.

COOL JOE!
ni Joe Barrameda