Thursday , April 17 2025

DOE pinaalalahanan at pinuri ni Sen. Go

KASABAY ng pagtiyak ng suporta sa panukalang  budget para sa Department of Energy, nanawagan si Senator Christopher “Bong” Go sa ahensiya na tiyakin ang kapakanan ng mga Filipino lalo ngayong panahon na may pandemyang CoVid-19.

 

Sa budget hearing sa Senado, sinabi ni Go, dapat din purihin ang DOE dahil sa malaking papel nito sa pagtiyak ng paglaban ng pamahalaan sa CoVid-19 partikular sa mga ospital.

 

Tinukoy ni Go ang Department Circular no. ng DOE o ang pag-rationalize sa paggamit ng Energy Regulation o ER1-94 ng mga local government unit sa pagtugon sa CoVid-19 health emergency.

 

Ipinaliwanag ni Go, nasa P2.43 bilyon ang nailipat sa ilang LGUs sa buong bansa mula sa ER 1-94 funds para magamit sa kinakaharap na pandemya ngayon ng bansa.

 

Kabilang sa mga pinaggamitan ng pondo ang mass testing, emergency subsidy, suporta sa mga feeding program, pagbili ng Personal Protective Equipment (PPE) para sa medical frontliners, pagbili at pagpapatayo ng medical facilities, tents, quarantine centers, electricity cost subsidies, cremation  at burial services sa mga biktima ng CoVid-19

 

Kinompirma rin ni Go na bilyong piso mula sa energy sector tulad ng National Power Corporation, National Electrification Authority, at Philippine National Oil Company ang nai-remit sa Bureau of Treasury  bilang tugon sa CoVid-19 pandemic.

 

Pinasalamatan ni Go ang energy sector sa pagbibigay ng palugit sa naghihirap na mamamayan mula sa kanilang bills habang mayroong krisis.

 

Nanawagan si Go sa energy sector lalo sa distibution utilities na balansehin ang kita at serbisyo sa publiko dahil hindi naman madadala ang sobrang pera sa kabilang buhay. (CYNTHIA MARTIN)

About Cynthia Martin

Check Also

Imelda Aguilar Dalia Varde Khattab

Pambato ng Las Piñas sa 2025 Binibining Pilipinas bumisita kay Mayor Aguilar

MALUGOD na tinanggap ni Mayor Imelda “Mel” Aguilar sa kanyang tanggapan ang 21-anyos Filipino-Egyptian actress …

Ortigas Malls

Ortigas Malls engrandeng pagsalubong sa Easter Sunday magaganap

NAGLABAS ng Holy Week mall hours ang Ortigas Malls para sa mallgoers, bilang paggunita sa …

ArenaPlus PBA TNT 1

ArenaPlus Celebrates with the PBA Season 49 Commissioner’s Cup Champions

Photo courtesy of PBA: Katropas poses together with their fans during their victory party ArenaPlus, …

ArenaPlus Thompson Abarientos Brownlee 6

ArenaPlus announces Thompson, Abarientos, and Brownlee as brand endorsers

MANILA, PHILIPPINES – ArenaPlus, the 24/7 sports entertainment gateway in the Philippines, proudly welcomed its …

BingoPlus Asia Gaming Awards 2025 Feat

BingoPlus Grabs Best Reliability in Online Gaming at the Asia Gaming Awards 2025

Mr. Jasper Vicencio delivers his speech during the ASEAN Gaming Summit BingoPlus, the country’s most …

Leave a Reply

Your email address will not be published. Required fields are marked *