HATAW! D'yaryo ng Bayan hatawtabloid.com
BALIK-ESTUDYANTE muli ang tinaguriang Supremo ng Dance Floor at CNHP ambassador na si Klinton Start via online class.
College na si Klinto at excited na siyang magbalik eskuwela lalo’t naantala ng apat na buwan bago nagsimula ang klase dahil na rin sa Covid-19 pandemic.
Ang akala ng guwapitong binata ay magiging normal na ang schooling niya ngayong nasa kolehiyo na siya pero online rin pala sila.
Ayo lang naman ito kay Klinton dahil ang mahalaga ay nakapag-aaral pa rin siya.
“Actually May pa lang excited na po ako pumasok sa school kasi lalo na’t first year college na po ako.
“Pero dahil nga po sa Covid-19 na-adjust ng na-adjust ‘yung klase, hanggang naging online schooling na siya at noong September kami nagsimula.
“Pero okey na rin po ‘yung para sa safety na rin po ng mga estudyante at least po nakakapag-aral pa rin kahit may pandemya.
“Malay po natin, bago matapos ang taon or by 2021 okey na po lahat at back to normal na tayo.”
Ang pag-aaral muna ang pinagtutuunan ng pansin ni Klinton habang hindi pa nagre-resume ang kanilang variety show sa IBC 13, ang SMAC Pinoy Ito!
Abala rin ito sa pag-eendoso ng CNHP, Ysa Skin and Body Experts, H & H Makeover Salon at isang pang international magazine (PulchritudeJuvenis).
MATABIL
ni John Fontanilla
