HATAW! D'yaryo ng Bayan hatawtabloid.com
KINUHA namin ang reaksiyon ni Marlo Mortel sa ginawang pag-amin ng dati niyang ka-loveteam na si Janella Salvador, na boyfriend na nito si Markus Paterson, na produkto ng Pinoy Boy Band Superstar.
Sabi ni Marlo, ”Masaya ako for her, of course. Ganoon naman ako, kapag masaya ang isa kong kaibigan, masaya rin ako. Kilala ko naman si Markus, mabait siya. Nagkatrabaho na kami before.”
May balitang buntis ngayon si Janella. Kung sakaling manganak na ito at kunin siyang ninong, okey lang ba sa kanya?
“Oo naman, why not,” sagot ni Marlo.
“Wala namang problema sa aming dalawa. It’s just that, hindi lang kami nagkikita ngayon, because of pandemic. In-invite ko nga siya na mag-guest sa show ko sa Kumu one time, pero hindi siya pwede.May okasyon kasi sa kanila.”
Hindi lang artista si Marlo, isa rin siyang singer.
“Ang akala ng iba, kumakanta lang ako sa mga mall show. Ang alam nila, artista ako na kumakanta-kanta lang. Hindi nila alam na singer talaga ako. May album akong nagawa. Sa Kumu nga, maraming nagugulat kapag kumakanta ako. Sinasabi nila, hindi naman sa pagbubuhat ng sariling bangko, magaling daw pala akong kumanta. Sabi ko, singer kasi ako,” natatawang kuwento pa ni Marlo.
Ayon pa kay Marlo, kung papipiliin, mas gusto talaga niya na makilala bilang isang singer kaysa artista.
“Mas gusto ko talagang mag-focus sa singing career ko,” pakli pa niya.
Nakausap namin si Marlo nang mag-guest sa show namin sa Kumu na Pito Ito.Iba Ito. Napapanood ito tuwing 9:00 p.m. sa Rodilicious account.
MA at PA
ni Rommel Placente
