HATAW! D'yaryo ng Bayan hatawtabloid.com
NAGSIMULA ng gumiling ang camera ng kauna-unahang BL series ng Regal Entertainment at kauna-unahang pagsasama nina Teejay Marquez at Jerome Ponce, ang Ben x Jim.
Very smooth ang pagsisimula ng kanilang shooting ayon na rin kay Teejay dahil very professional ang lahat at mahuhusay ang kanyang mga co-actor.
Kuwento ni Teejay, “Very smooth at masaya ‘yung first shooting day namin dahil very professional ang lahat.
“Thankful din ako kasi mahusay na artista ang mga kasama ko, napakasarap katrabaho, bukod sa magaling ‘yung director namin.”
May mga topless scene ba sila?
“’Yan ang dapat abangan ng mga manonood ng ‘Ben x Jim,’ malay mo hindi lang topless ha ha ha, at ‘yun ‘yung dapat pa nilang abangan sa BL series namin ni Jerome.
“Marami kang dapat abangan sa ‘Ben x Jim’ habang tumatakbo ang istorya nito, dahil may mga twist at pasabog bawat episode.”
At para mas maging kampante sila ni Jerome sa isa’t isa ay nagti-Tiktok sila kasama ang ibang cast during break.
Ang Ben x Jim BL series ay hatid ng Regal Entertainment sa panulat at direksiyon ni Easy Ferrer at mapapanood sa huling buwan ng Setyembre o unang linggo ng Oktubre sa Regal Entertainment, Inc.’s Facebook page at YouTube channel.
MATABIL
ni John Fontanilla
