HATAW! D'yaryo ng Bayan hatawtabloid.com
THANKFUL si Gerald Santos dahil makakasama siya sa kontrobersiyal na SAF 44 movie, ang 26 Hours: Escape From Mamasapano hatid ng Borracho Films na ididirehe ni Law Fajardo.
Gagampanan ni Gerald ang role ng lone survivor ng 55th Special Action Company (SAC) na si Police Officer 3 Christopher Lalan.
Ayon kay Gerald, “Nagpapasalamat ako kay Atty. Ferdinand Topacio dahil isinama niya ako sa napaka-makabuluhang pelikula about Mamasapano Massacre, na gagampapan ko ang role ng lone survivor na si Police Officer 3 Christopher Lalan.
“Noong napanood ko ‘yung video sa nangyari, naawa ako at nalungkot sa mga nangyari, kaya nga napakasarap sa pakiramdam na mapasama ka sa ganitong klaseng pelikula.”
Hindi na bago kay Gerald ang role ng isang pulis, dahil halos pareho lang ito sa naging role niya sa Miss Saigon na isang sundalo bilang si Thuy.
“Medyo familiar na rin ako sa role na gagampanan ko dahil parang ‘yung role ko lang sa ‘Miss Saigon’ na isa ring sundalo.
“Basta I will do my best to give justice to my role.”
Kaya naman kuntodo workout na ngayon si Gerald para bumalik ang ganda ng katawan at maging ready kapag nagsimula na ang shooting ng kanilang pelikula.
Handa ring sumabak si Gerald sa rigid training para mas maging makatotohanan ang pagiging pulis mula sa paghawak ng baril at pagkilos kasama ang iba pang cast ng kanilang movie.
Makakasama ni Gerald sa 26 Hours: Escape From Mamasapano sina Myrtle Sarroza, Ritz Azul, Edu Manzano, Rez Cortez, JC De Vera, Aljur Abrenica, Claudine Barretto atbp..
MATABIL
ni John Fontanilla
