Yayo Aguila, ‘di nawawalan ng trabaho kahit may pandemya

ISA sa maituturing na pinaka-busy at ‘di nawawalan ng proyekto ang mabait at mahusay na actress na si Yayo Aguila.

At habang salat sa proyekto ang ibang mga artista dahil sa Covid-19 pandemic ay sunod-sunod at magagandang proyekto naman ang napupunta kay Yayo, dahil na rin sa versatility nito bilang aktres na kahit anong ibigay mong role ay nagagawa nito ng buong husay.

Sino nga ba ang makalilimot sa napaka-controversial nitong French kissing scene sa young actor na si Royce Cabrera sa pelikulang F#*@BOIS na entry sa Cinemalaya 2019.

Dagdag pa riyan ang mahusay nitong pagganap sa pelikulang Metamorphosis na entry sa Cinema One 2019  na nagbigay sa kanya ng nominasyon sa 43rd Gawad Urian.

At ngayon naman ay aabangan si Yayo bilang si Monica sa BL series  na  My ExtraOrdinary na mapapanood sa TV5 hatid ng Asterisk Digital Entertainment sa panulat ni Vincent De Jesus, idinirehe ni Jolo Atienza at pagbibidahan  nina Darwin Yu at Enzo Santiago at magpi-premiere sa GagaOOlala ngayong September.

MATABIL
ni John Fontanilla