HATAW! D'yaryo ng Bayan hatawtabloid.com
HINDI pa man gumigiling ang camera ng pagbibidahang BL series nina Teejay Marquez at Jerome Ponce, ang Ben x Jim, inaabangan na ito ng fans nila sa Indonesia, Malaysia, Thailand, at Vietnam.
Excited na nga ang mga supporter ng dalawang actor na mapanood ang kauna-unahang BL series ng kanilang idolo na hatid ng Regal Entertainment na isinulat at idinirehe ni Easy Ferrer.
Ani Teejay nang nakarating ang balita, “Nakakatuwa lang kasi kahit saan akong bansa may proyekto, nandyan sila para sumuporta. Marami na nga ‘yung nagme-message na sana makapag-promote ako ng ‘Ben x Jim’ sa Indonesia, Malaysia, Vietnam, at Thailand.
“Pero alam ko naman na 100% percent ang suporta nila kahit hindi ako makapag-promote sa kanilang bansa dahil na rin sa mahirap magbiyahe ngayon dahil sa Covid-19.
“Sinasabi ko na lang na panoorin nila ‘yung BL series namin ni Jerome ‘pag ipinalabas na.
“Mapapanood nila ang ‘Ben x Jim’ sa FB page ng Regal Entertainment at sa Youtube Channel ngayong September 2020.”
At kung naudlot man ang mga proyektong gagawin niya ngayong taon sa Indonesia,Vietnam, Thailand, at Malaysia , gagawin pa rin naman niya ang mga iyon ‘pag okey nang magbiyahe at normal na ang lahat.
Dagdag pa nito, by next year may mga proyekto pa siyang gagawin sa Singapore at Japan na dapat ding abangan ng kanyang mga tagahanga.
MATABIL
ni John Fontanilla
